GaliciaEmpleo.net

The Bongolian nace en 2001 da man do multiinstrumentista Nasser Bouzida, que mestura elementos de funk, soul e jazz con percusión e frenéticos ritmos cos bongos. A principios de 2003 edita o seu primeiro LP, Bongolian. Dende entón, The Bongolian xirou e gravou con Holly Golightly en Inglaterra, Estados Unidos e Alemania. Hoxe chegan á Coruña.

Niño y Pistola é unha formación que fai cancións pop de tres minutos cargas de melodías vocais. O fan cantando en inglés e renunciando ás guitarras eléctricas. Hoxe actúan en Santiago para presentar o seu disco Culebra.

Marín acolle o espectáculo de maxia, magoanton.com/unipersoal, do Mago Antón. Este espectáculo presenta comunicación e maxia pensando nas distancias cortas. As novas creacións do Mago Antón farán que esa noite sexa unha noite chea de sorpresas, de risas e de emoción a centímetros de distancia.

Despois de editar un primeiro disco chamado Alma en celo e percorrer todas España colleitando grandes críticas, os membros de Garaje Jack presentan o seu novo álbum Traje nuevo no que presentan os seus temas de rock. Hoxe actúan en Betanzos.

Xosé Nine Cuateto e Loli Nogueira ao vivo no Festival dos Abrazos.
Neste proxecto, do que xurdiu un disco, xúntanse a voz de Loli Nogueira, o saxo de Xosé Nine, o piano de Manolo Gutiérrez, o contrabaixo de Juan Cañada e a batería de Javier Barral.
O cuarteto dálle un marco musical de jazz e ritmos latinos á cálida voz de Loli Nogueira, cantante versátil que transcorre entre o jazz, a música latina e o soul.

O ciclo dirixido por Xosé Nogueira, A pantalla festiva,a pantalla reveladora, presenta a proxección da película Peter´s Friends de Kenneth Branagh.
Sete amigos gradúanse na Universidade de Cambridge en 1982; formaran parte dun grupo de teatro pero seguen camiños diferentes. Dez anos despois, Peter herda unha grande propiedade do seu pai, e convida a todos a pasar a noitevella na súa mansión. O reencontro traerá bos recordos, pero noutros aspectos as cousas xa non son tan doces e divertidas como antes. Nos dez anos que transcorreron, houbo moitos cambios nas vidas de cada un dos amigos alí reunidos. Polo demais, Peter garda un segredo.

Espido actúa hoxe en Ferrol nas noites de Amboage en substitución do cantautor Eliseo Parra, baixa no programa de festas por enfermidade.
Espido, a formación integrada por Guadi Galego e Guillerme Fernández, ex compoñentes ambos os dous de Berrogüeto, actúa hoxe en Ferrol, dentro do programa das Festas de Verán de Ferrol. Espido substitúe ao cantautor Eliseo Parra, que a última hora de onte, luns, comunicou á Concellería de Cultura a imposibilidade de actuar, tal e como estaba previsto, por motivos de saúde.
Espido naceu no ano 2005, froito dunha funsión entre dous músicos ben coñecidos, tanto como integrantes de Berrogüeto como pola súa extensa e dilatada carreira en solitario. O disco que dá nome ao grupo é o referente da actuación deste martes en Ferrol. Trátase dun traballo que data xa do ano da súa creacion e que é calificado de “intimista”. Apoiado na música tradicional, a producción contou ademais coa presencia puntual de Uxía Senlle e Ugia Pedreira.
Como tódalas actuacións do programa de Festas de Verán, o concerto de Espido é tamén gratuíto.

Caixanova trae a Galicia ao Grupo Sinfónico Tirri Tarra, que actuará en dous concertos na nosa comunidade, nos que estará acompañado por diferentes corais locais. A segunda das actuacións será no municipio de Cangas. Nesta ocasión o grupo sinfónico tocará xunto á Coral Lestonnac.

Tirri Tarra:
Esta singular agrupación sinfónica naceu en 1973 en Pasajes de San Pedro (Guipúzcoa) como unha fanfarre ou charanga. Moitas etapas deixou atrás durante todos estos anos ata converterse no que é hoxe. Aporta un sonido diferente, no que confluien distintos estilos musicais cunha linguaxe clásica pero á vez moderno e actual. Trátase de música sinfónica, que mestura a melodía instrumental contemporánea con influencias do rock sinfónico ou o folk, entre outros.
Un total de 80 músicos no escenario, xunto cunha posta en escena impresionante e unha música con gran forza e beleza, fan que as actuacións de Tirri Tarra non deixen indiferente a ninguén.

Esta semana preséntase o Festival Interurbano de Música Crunia que se celebrará este mes de agosto dentro do que serán as festas de Maria Pita na cidade da Coruña. Cabe destacar as actuacións de bandas como Ruxe Ruxe, Savia, Porretas, The Majestics, etc… e para máis inri o festival é de gratis.

A Coruña acolle a exposición O retrato no Prado. De Goya a Sorolla, composta por 66 obras que testemuñan a importancia do xénero retratístico na pintura do século XIX. Francisco de Goya, Federico Madrazo, Vicente López ou Antonio María Esquivel, son algúns dos artistas que conforman esta mostra que permite coñecer grandes obras da historia da arte española.

Mostra con máis de setenta pezas deste artista que recrear detalles de edificios peculiares, de grande carga simbólica.

A pintura de Juan Araujo invita ao espectador a unha reflexión acerca das consecuencias da reproductibilidad da obra de arte: ¿qué queda da súa esencia, textura, soporte e discurso unha vez foi reproducida? Juan Araujo rinde homenaxe á historia do arte ao tempo que presenta novos planteamentos vinculados á percepción da obra de arte orixinal.

A sala de exposicións do Club Náutico de Ribeira acolle a mostra ExpoPress. Un século de actualidade na que poderemos ollar unhas 200 publicacións da colección privada de Suso Souto, acompañadas dunha selección musical de todo o século XX, feita por Fernando Franjo.

Baixo o título Paixóns privadas, visións públicas, o comisario e crítico de arte Fernando Castro Flórez presenta unha selección de fondos de coleccións privadas de Galicia, centradas na arte contemporánea. Un conxunto de obras que, dende os anos oitenta ata o presente, axuda ós asistentes a facer un percorrido pola historia da arte e do coleccionismo máis próximo. Como trasfondo, unha lectura historiográfica sobre a aparición das feiras de arte contemporánea nos anos sesenta, pouco antes de que xurdise o concepto sistema da arte.

Hugo Torreiro naceu na Coruña en 1990. Con 7 anos apúntase ó conservatorio no que fai o grado elemental de trompeta. A principios de 2006 comeza a compor cancións co piano. Agora presenta os temas que formarán o seu primeiro cd, Nada que ver.

2008 GaliciaEmpleo.net

ESCUELA OBRADOIRO

‘CONTORNA TORRE DE HERCULES’



2008 GaliciaEmpleo.net	Versión en español \| Aviso Legal \| Privacidade \| Mapa \| Contacto \|