A entrevista

         Independentemente do tipo de entrevista, existen unha serie de pasos comúns a todas elas:

• Primeira avaluación: O desenvolvemento da mesma incluirá seguramente unha primeira avaluación dos teus coñecementos, comprobando o teu itinerario académico, o porqué da túa elección, así como o grao de satisfacción acadado e os teus proxectos de estudio futuros, de habelos.


• Traxectoria profesional: Seguidamente abordaránse as cuestións relacionadas coa túa traxectoria profesional ata o momento, as prácticas que poideras realizar, os contratos que poideras ter, as funcións que  desempeñaches, etc. Trata de falar sobre resultados específicos en lugar de limitarte a describir as túas experiencias laborais.


• Motivación: Ademáis, durante a entrevista o/os interlocutor/es da empresa tratarán de pronosticar o teu rendemento potencial na mesma, valorando o grao de motivación. En ocasións, unha boa motivación pode subsanar deficiencias de formación ou experiencia.


• Autoavaliación: Por último, para pechar a entrevista, seguramente te pidan realizar unha autoavaliación, para que reflexiones sobre os teus puntos fortes e febles, coa intención de establecer o teu grao de coñecemento e satisfacción personal, a sinceridade, nivel de seguridade e de confianza en ti mesmo.

É importante que acudas á entrevista coas ideas claras sobre os teus obxectivos profesionais, de xeito que saibas explicar os fundamentos da túa elección, por qué escolleches solicitar un posto nesa empresa e non noutra, por qué queres desenvolver a  túa carreira nunha pyme ou nunha gran empresa, ou por exemplo, por qué  formándote como avogado, queres dedicarte á empresa e non ó exercicio libre da profesión.

As empresas valorarán moito o feito de que vaias informado sobre  as súas actividades,  directivos,  productos e marcas, os seus competidores ou clientes, algo que poderás preparar recopilando información en prensa, en Internet ou solicitando información directamente á propia empresa.

As preguntas máis habituais nunha entrevista, é dicir, aquelas que debes preparar para contestar de forma lóxica e ordenada, son:

• ¿Cómo soubo de nós?


• ¿Qué sabe da nosa empresa e qué aspectos lle gustaría coñecer en maior profundidade?


• ¿Por qué quere traballar con nós?


• ¿Qué espera deste posto de traballo?


• ¿Por qué escolleu este sector de actividade para desenvolver a súa carreira profesional?


• ¿Qué cre que podemos aportarlle profesionalmente?


• ¿Qué pode aportarnos a nós?


• ¿Qué salario quere percibir?


• ¿Estaría disposto a viaxar ou a trasladarse a outro lugar?


• ¿Cáles son os seus obxectivos profesionais a medio/longo prazo?


• ¿Prefire traballar en equipo ou individualmente? ¿Por qué?


• ¿Qué é para vostede o máis importante dun emprego?


• Fáleme da súa carreira


• ¿Pensa continuar estudiando?


• ¿Cómo se defende en inglés/francés?


• ¿Cáles son os seus puntos fortes e os seus puntos febles?


• ¿Cál é a súa mellor cualidade e o seu peor defecto?


• ¿Cáles foron as seus éxitos ou realizacións máis destacados?


• ¿A qué dedica o seu tempo libre?


• ¿Qué espera vostede da vida?


• ¿Ten algunha pregunta?

As preguntas que ti fagas ó entrevistador deberán estar relacionadas dalgún xeito coa empresa e o posto a cubrir. A cotio, as preguntas que formules serán máis importantes para o entrevistador cas que el te faga a ti.

Cando acudas á entrevista:

• Asegúrate do lugar e da hora da mesma, así como do nome do entrevistador;


• Sé puntual. Si por algunha razón de peso sabes que vas chegar tarde, comunícallo canto antes á persoa que te vai  entrevistar;


• Coida a indumentaria e hixiene persoal. Viste de maneira correcta, de acordo coa túa personalidade, pero sin ser demasiado informal ou extravagante;


• Leva dúas ou tres copias do CV. e asegúrate de que poderás xustificar tódolos elementos do mesmo;

Durante a entrevista:

• Saúda á persona que te vai entrevistar polo seu nome, mirándolle ós ollos, e apertándolle a man;


• Dá unha imaxen de naturalidade e confianza en ti mesmo ó entrar ó despacho do entrevistador. Adopta unha postura relaxada, sin exaserar;


• Coida a túa comunicación non-verbal. Procura non manifestar timidez, tensión, nerviosismo, agresividade, impaciencia ou dúbidas;


• Abstente de fumar aínda que sexas fumador e cho ofrezan;


• Mantén a atención en todo momento. Un aparente desinterese nalgún momento da entrevista pódese asociar ó posto de traballo e mesmo á propia empresa;


• Convence ó teu interlocutor das túas cualidades e amósalle o teu interese e entusiasmo por traballar na súa empresa;


• Lembra que na primeira entrevista, o máis importante é o posto de traballo ó que queres acceder e non o salario, nin as vacacións e permisos;

Agora ben, ¿qué actitudes debemos adoptar e cáles debemos evitar nunha entrevista? Podemos resumilo en 12 puntos:

1. Sé natural, no convén parecer forzado, porque máis tarde ou máis cedo saberase cómo somos e pode ser contraproducente;


2. Sé sinceiro, eso provocará confianza no interlocutor;


3. Sé breve e conciso de xeito que se entenda con claridade o que expoñemos;


4. Contesta á pregunta que se nos fai, e non divagar ou "sairnos polos cerros de Úbeda";


5. Si non sabes algo, dio, non é ningún delito non sabelo todo;


6. Ante preguntas comprometidas compórtate de forma natural e si cres que non tes a obriga de respostar exprésallo educadamente e explica por qué o fas;


7. Mira ós ollos ó entrevistador, infundiraslle máis confianza e credibilidade;


8. Non fagas ostentación e prodiga humildade, xa terás tempo de amosar o que vales e o que eres;


9. Coida a presencia, aseo e vestido;


10. Controla o movemento das mans ó expresarte e lembra cos movementos amplos denotan menos nerviosismo cos curtos e repetidos;


11. Sé educado, é unha das claves da convivencia e esta é importantísima na vida interna dunha empresa;


12. Pregunta o que se espera de ti na empresa, amosa interese polo posto e a proxección que ofrece a compañía.